යුද පුහුණු අභ්‍යාසයක් ලෙස කිලෝමීටර් 120 ක දුරකට යැවිය හැකි මිසයිලයක් දෙවන වරටත් සාර්ථකව අත්හදා බැලූ බව පකිස්ථාන මාධ්‍ය වාර්තා කර තිබේ.
මේ අතර ඉන්දීය ආරක්ෂක ලේකම් රාජේෂ් කුමාර් සිං හා අග්‍රමාත්‍ය නරේන්ද්‍ර මෝදි හමුවී ඇති අතර, එහිදී ඔවුන් වත්මන් තත්ත්වය ගැන සාකච්ඡා කර ඇති බවද වාර්තා වේ.
ඉන්දියාව සහ පකිස්ථානය අතර තත්ත්වය පිළිබඳව එක්සත් ජාතීන්ගේ ආරක්ෂක මණ්ඩලයේ සංවෘත උපදේශනයක් අද (05) පැවැත්වීමට නියමිත අතර, මෙම ගැටලුව සම්බන්ධයෙන් හදිසි රැස්වීමක් සඳහා පකිස්ථානය විසින් ඉල්ලීමක්ද සිදුකර තිබුණි.
