කොළඹ හුණුපිටිය ගංගාරාම විහාරස්ථානයේ නවම් මහා පෙරහැර අද (12) රාත්‍රියේත් වීථි සංචාරය කිරීමට නියමිතයි. ගංගාරාම විහාරාධිපති පූජ්‍ය කිරින්දේ අස්සජි නාහිමියන්ගේ අනුශාසනා පරිදි සංවිධාන කළ පෙරහැර රාත්‍රී 7.00 ට වීථි සංචාරය ආරම්භ කිරීමට සැලසුම් කර ඇත.
මෙවර පෙරහැර පැවැත්වෙන්නේ, 46 වැනි වරට වන අතර මෙරට බෞද්ධාගාමික උත්සව අතර හුණුපිටිය ගංගාරාමයේ නවම් මහ පෙරහැරට ද හිමිවන්නේ සුවිශේෂී ස්ථානයකි.
මේ අතර, ගංගාරාම නවම් මහා පෙරහැර හේතුවෙන් අදත් ගංගාරාමය අවට විශේෂ රථවාහන සැලැස්මක් ක්‍රියාත්මක වන අතර ඒ අනුව කොළඹ රාමනායක මාවත, හුණුපිටිය වැව පාර හන්දිය, ධර්මපාල මාවත, පාර්ක් වීදිය හන්දිය, යුනියන් පෙදෙසෙහි කොල්වින් ආර් ද සිල්වා මාවත, හයිඩ් පාර්ක් කෝනර් හන්දිය පෙරහැර පැවැත්වෙන කාලසීමාවේ තාවකාලිකව වසා තැබෙනු ඇත.
