ජීවිතයම සිසු දරුවන් වෙනුවෙන් පුද කළ “තායී ගුරුතුමී”
සිසු දරුවන් පිරිසක් සහ ගුරුවරුන් බස් රථයක ගමන් කරමින් සිටියදී එක්වරම ඒ බස් රථය ගිනි ගෙන ඇත.
එහිදී ගලවා ගැනීමේ නිලධාරීන් පැමිණෙන විටත් ඒ බස් රථය ගිනිගෙන පුපුරා ගොස් තිබුණී.
එම ඛේදජනක සිද්ධියෙන් සිසුන් 35 දෙනෙකු සහ ගුරුවරුන් 03 දෙනෙකු මියගොස් සිටියදී එරට ගලවා ගැනීමේ නිලධාරීන් විසින් සොයා ගෙන ඇත.
එම අනතුරෙන් “කනොක්වාන් ශ්‍රී පොං” නැමැති ගුරුතුමිය එක් සිසු දැරියක් බේරා ගැනීම සඳහා ඇයව ආවරණය කිරීමට ඇයව වැළඳගෙන ඇති අතර එම සිසු දැරිය මෙන්ම ගුරුවරියගේ දේහය ඒ ආකාරයටම ගලවා ගැනීමේ අංශ විසින් සොයා ගෙන තිබේ.
කනොක්වාන් ශ්‍රී පොං ගුරුතුමිය සැප්තැම්බර් මාසයේදී තම උපධි ප්‍රදානෝත්සවයට සහභාගී වී ඇති බව ද එර්ටට මාධ්‍ය වාර්තා කොට තිබුණි.
ඇයගේ පරිත්‍යාගය සහ ඇගේම දරුවෙකු ලෙස තම සිසුන් කෙරෙහි ඇති ආදරය ලොව පුරා සිටින බොහෝ ගුරුවරුන්ට බලපෑමක් ඇති කිරීමට මේ සිදුවීම ඉවහල් වනු ඇත.
