අධ්‍යයන පොදු සහතික පත්‍ර උසස් පෙළ විභාගය නොවැම්බර් මස 10 වනදා සිට දෙසැම්බර් 5 වනදා දක්වා පැවැත්වෙන බව විභාග දෙපාර්තමේන්තුව අද නිවේදනය කළේය.
විභාග දෙපාර්තමේන්තුව නිකුත් කළ නිවේදනයට අනුව, 2025 උසස් පෙළ විභාගය සඳහා අයදුම්පත් මාර්ගගත ක්‍රමය (online) ඔස්සේ හෙට (ජුනි 26) සිට 2025 ජූලි මස 21 වන දින දක්වා කැඳවනු ලැබේ.
පාසල් අයදුම්කරුවන්: තමන්ගේ පාසලේ විදුහල්පතිවරයා හරහා අදාළ උපදෙස් අනුව මාර්ගගතව අයදුම්පත් ඉදිරිපත් කළ යුතුය.
පෞද්ගලික අයදුම්කරුවන්: පෞද්ගලිකවම මාර්ගගතව අයදුම්පත් ඉදිරිපත් කළ යුතු අතර, ඒ සඳහා තමන්ගේ ජාතික හැඳුනුම්පත් අංකය භාවිතා කළ යුතුවේ.
අයදුම්පත් ඉදිරිපත් කළ යුතු වෙබ් අඩවි
අයදුම්පත් ඉදිරිපත් කිරීම සඳහා ශ්‍රී ලංකා විභාග දෙපාර්තමේන්තුවේ නිල වෙබ් අඩවි වන www.doenets.lk හෝ www.onlineexams.gov.lk/eic වෙත පිවිසෙන ලෙස විභාග දෙපාර්තමේන්තුව සියලුම අපේක්ෂකයන්ට දැනුම් දෙයි.
සියලුම අපේක්ෂකයින්ට විභාගයට සාර්ථකව මුහුණ දීමට අවශ්‍ය සියලු කටයුතු නියමිත වේලාවට සිදු කර ගැනීමට මේ නිවේදනය උපකාරී වනු ඇතැයි අපි විශ්වාස කරමු
