පාකිස්තාන ක්‍රිකට් පිතිකරු හයිඩර්ලී අලී එංගලන්තයේ මැන්චෙස්ටර් පොලිස් අත්අඩංගුවට පත්ව ඇත. ඒ ස්ත්‍රී දූෂණ චෝදනාවකට වරදකරුවෙකු ලෙසයි.
පකිස්තාන ක්‍රිකට් ‘A’ කණ්ඩායම ජුලි මාසයේ එංගලන්තයේ සිදු කළ සංචාරයක් අතරතුර ඇති වූ සිද්ධියක් ඔහුට විරුද්ධව මෙම චෝදනා ගොනු වීමට හේතු වී ඇති බවයි මාධ්‍ය වාර්තා කර සිටියේ.
පාකිස්තාන ක්‍රිකට් ආයතනය මේ පිළිබඳ නිශ්චිත අදහසක් දක්වා නොමැති වුවත් ඔහුගේ ක්‍රීඩා කටයුතු තාවකාලිකව අත්හිටුවීමට නියෝග කර තිබේ.
පාකිස්තාන ක්‍රිකට් ආයතනය එක්සත් රාජධානියේ නීතිමය ක්‍රියා පටිපාටි සහ ක්‍රියාවලීන්ට සම්පූර්ණයෙන්ම ගරු කරන බවත්, විමර්ශනය නියමිත වේලාවට ක්‍රියාත්මක වීමට ඉඩදීමේ වැදගත්කම පිළිගන්නා බවත් නිවේදනයක් නිකුත් කරමින් පාකිස්තාන ක්‍රිකට් ආයතනය වැඩිදුරටත් පවසයි.
ඒ අනුව පවතින පොලිස් විමර්ශන ප්‍රතිඵල ලැබෙන තෙක් අලිට පැනවූ ක්‍රිකට් තහනම බලපැවැත්වෙනු ඇත.
