යාපනය ප්‍රදේශයේ දින 45 ක් වයසැති බිළිදෙකුට හිසට කළ පහර දීමකින් එම බිළිදා මියගොස් ඇතැයි තෙල්ලිප්පලේ පොලිසිය සදහන් කරයි.
මියගොස් ඇත්තේ සසිරුබන් නික්ෂන් නමැති දින 45 ක බිළිදෙකි.
මවු කිරි ලබා දීමෙන් අනතුරුව බිළිදා සිහිසුන්වූ බව පවසා මව විසින් බිළිදා අලවෙට්ටි ප්‍රාදේශිය රෝහලට ඇතුලත් කරනු ලැබ තිබේ.අනතුරුව වැඩි දුර ප්‍රතිකාර සදහා තෙල්ලිප්පලේ රෝහලට මාරු කර යවා තිබේ.එහිදී බිළිදා මියගොස් ඇත.
මරණ පරීක්ෂණයෙන් අනාවරණය වී ඇත්තේ හිසට එල්ල වූ ප්‍රහාරයක් හේතුවෙන් බිලිදා මියගොස් ඇතිබව යැයි පොලීසිය කියයි. ඒ අනුව මරණය සම්බන්ධයෙන් බිළිදාගේ මව තෙල්ලිප්පලේ පොලිසිය විසින් අත්අඩංගුවට ගෙන ඇති බවද පොලීසිය පවසයි.
