නුවරඑළිය තැපැල් කාර්යාල ගොඩනැගිල්ල නාගරික සංවර්ධන අධිකාරිය වෙත පැවරීමට 2024 අප්රේල් 29 වන දින පැවැති අමාත්ය මණ්ඩල රැස්වීමේදී ලබා දුන් අනුමැතිය අහෝසි කිරීමට අමාත්ය මණ්ඩලය තීරණය කර තිබේ.
එම පවරා දීමට විරුද්ධව තැපැල් සේවකයන්, සිවිල් සංවිධාන, සහ පොදු මහජනතාව අතරින් දැඩි විරෝධතා එල්ල විය. එම විරෝධතා සලකා බලා, අදාළ ගොඩනැගිල්ල තැපැල් දෙපාර්තමේන්තුවේ කටයුතු සඳහා පෙර පරිදිම යොදා ගැනීමටත්, සංචාරක ප්රවර්ධන කටයුතු සඳහාත් භාවිත කළ හැකි පරිදි සකස් කිරීමේ ව්යාපෘතියක් ක්රියාත්මක කිරීමට පසුව තීරණය කරන ලදී.
ඒ අනුව, සෞඛ්ය සහ ජනමාධ්ය අමාත්යවරයා විසින් ඉදිරිපත් කළ යෝජනාවට අමාත්ය මණ්ඩලය අනුමැතිය ලබා දුනි. මෙම යෝජනාවට අනුව, නුවරඑළිය තැපැල් කාර්යාල ගොඩනැගිල්ල හා ඉඩම නාගරික සංවර්ධන අධිකාරිය වෙත පැවරීමට ගෙන ඇති තීරණය අහෝසි කෙරෙන අතර, දේශීය හා විදේශීය සංචාරක ආකර්ෂණය වර්ධනය කර ගැනීමට සහ නව ආදායම් උත්පාදන මාර්ග වැඩිදියුණු කර ගැනීමට හැකි වන පරිදි එම ගොඩනැගිල්ල සහ ඉඩම නවීකරණය කිරීමට නියමිතය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
