ශ්රී ලංකා පොදුජන පෙරමුණ පාවාදුන් කිසිදු කෙනෙකුට පාර්ලිමේන්තු මැතිවරණය සඳහා පක්ෂයෙන් නාමයෝජනා ලබා නොදෙන බව එම පක්ෂයේ මහ ලේකම් හිටපු පාර්ලිමේන්තු මන්ත්රි සාගර කාරියවසම් පවසයි.
ජනතා විමුක්ති පෙරමුණ මාධ්ය සන්දර්ශන පවත්වා සිදුකරන විපක්ෂයේ කාර්ය භාරයෙන් මිදී ආණ්ඩු පක්ෂයේ කාර්යභාරය කළයුතුව ඇතැයිද ඔහු පැවසුවේය. බත්තරමුල්ල, නෙළුම් මාවත පිහිටි එම පක්ෂ ප්රධාන කාර්යාලයේ ඊයේ (30 වැනිදා) පැවැති මාධ්ය හමුවේදී ඔහු මේ බව කියා සිටියේය.
ශ්රී ලංකා පොදුජන පෙරමුණ ඉදිරි පාර්ලිමේන්තු මැතිවරණයේදී දිවයිනේ සියලුම දිස්ත්රික්කවලට ‘පොහොට්ටුව’ ලකුණ යටතේ තරග කරන බවත්, පක්ෂය නැවත ශක්තිමත්ව නැගී සිටින බවත් ඔහු කීවේය.
“ශ්රී ලංකා පොදුජන පෙරමුණේ ප්රතිපත්ති පිළිගන්නා පක්ෂ සමග පමණක් සන්ධානගත වීමට බලාපොරොත්තු වන බවත්, පාර්ලිමේන්තුවේ මන්ත්රි ධුර ලබා ගන්නා අරමුණින් සන්ධානගත වීමට පක්ෂයේ සූදානමක් නොමැති බවත් ඔහු පැවසීය.
අපි ජනාධිපතිවරණයේ ඡන්ද ව්යාපාරය කරද්දී කිසිදු රාජ්ය දේපොළක් භාවිත කළේ නෑ. එවැනි චෝදනා කරන පුද්ගලයන්ට නීතිමය වශයෙන් කටයුතු කරනවා’’ යැයිද ඔහු කීවේය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
