ශ්රී ලංකන් ගුවන් සමාගමේ සිදුව තිබෙන දූෂණ හා අක්රමිකතා පිළිබඳ සොයා බැලීමට ඊයේ (20) ජනාධිපති අනුර කුමාර දිසානායකගේ උපදෙස් මත ජනාධිපති කාර්යාලය මූලික කරගත් කමිටුවක් පත් කිරීමට කටයුතු යොදා තිබේ.
ඊයේ (20) පස්වරුවේ ශ්රී ලංකන් ගුවන් සමාගමේ අධ්යක්ෂ මණ්ඩලය සහ ඊට අනුබද්ධ සියලුම වෘත්තීය සමිතිවල නියෝජිතයන් සමඟ ජනාධිපති ලේකම් කාර්යාලයේ මෙම සාකච්ඡාව පැවති අතර, සාකච්ඡාව පැය 04කට ආසන්න කාලයක් පැවැත්වුණු බවයි ජනාධිපති මාධ්ය අංශය සඳහන් කළේය.
ශ්රී ලංකන් ගුවන් සමාගමේ හිමිකාරීත්වය රජය සතුව පවත්වා ගැනීමට ගනු ලැබූ ප්රතිපත්තිමය තීරණය අනුව යමින්, අධ්යක්ෂ මණ්ඩලය විසින් සකස් කරන ලද ව්යාපාර සැලැස්මෙහි ඉලක්ක ළගා කර ගැනීම පිළිබඳවත්, මුල්ය ප්රවාහ කළමනාකරණය හා ආයතනයේ කාර්යක්ෂමතාව ඉහළ නැංවීම තුළින් ශ්රී ලංකන් ගුවන් සමාගම පාඩු නොලබන ආයතනයක් ලෙස ගොඩනැංවීමට එහි සියලු පාර්ශවයන්ගේ දායකත්වය හා කැපවීම ලබාදීමේ අවශ්යතාව පිළිබඳවත් මෙහිදී දීර්ඝ ලෙස සාකච්ඡා කෙරුණි.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
