වැඩි මිලට අලෙවිකිරීම සඳහා කීරි සම්බා කිලෝග්‍රෑම් 4750කට ආසන්න තොගයක් සඟවාගෙන සිටි වෙළෙන්ඳෙකු පාරිභෝගික කටයුතු පිළිබඳ අධිකාරිය විසින් සොයාගෙන තිබේ.කොළඹ 12 ප්‍රදේශයේ ගබඩාවක එම සහල් තොගය සඟවාගෙන තිබියදී පාරිභෝගික කටයුතු පිළිබඳ අධිකාරියේ නිලධාරීන් විසින් අද (15) සොයාගෙන ඇත.
එහිදී සඟවාගන තිබු කීරි සම්බා කිලෝග්‍රෑම් 5ක අසුරන 950කට ආසන්න ප්‍රමාණයක් පාරිභෝගික කටයුතු පිළිබඳ අධිකාරියේ නිලධාරීන් භාරයට ගෙන තිබේ.
බස්නාහිර පළාත් පොලිස් බුද්ධි කොට්ඨාසයේ නිලධාරීන් විසින් ලබාදුන් තොරතුරකට අනුව එම වැටලීම සිදුකර තිබුණි.
මෙම සහල් තොගය සඟවාගෙන සිටි ව්‍යාපාරිකයා සහ භාණ්ඩ ඉදිරියේදී අධිකරණයට ඉදිරිපත් කිරීමට නියමිත බව පාරිභෝගික කටයුතු පිළිබඳ අධිකාරිය පවසයි.
