වැට් බද්දෙන් පොත් නිදහස් කරන ලෙස ශ්‍රී ලංකා පොත් ප්‍රකාශකයන්ගේ සංගමය නිවේදනයක් නිකුත් කරමින් රජයෙන් ඉල්ලා තිබේ.
සියලු ම කුඩා පරිමාණයේ ප්‍රකාශකයන් මෙතෙක් තම පොත් අලෙවි කර ගැනීම සිදු කරන ලද්දේ මෙම මහා පරිමාණයේ පොත් ප්‍රකාශකයන්ගේ පොත් සාප්පු සහ පොත් බෙදා හැරීමේ ජාලය හරහා බව ඔවුහු පවසති.
වැට් බදු පැනවීම නිසා ඔවුන්ගේ පොත් සියල්ල ම සඳහා බදු අය කෙරෙන හෙයින් කුඩා පරිමාණයේ ප්‍රකාශකයන්ට තම පොත් අලෙවි කිරීමට නොහැකි තත්ත්වයක් ඇති බව ද පොත් ප්‍රකාශකයෝ කියති.
මේ අනුව, පවත්නා බරපතළ ගැටලු සලකා පොත්, වැට් බද්දෙන් නිදහස් කරන ලෙස ශ්‍රී ලංකා පොත් ප්‍රකාශකයන්ගේ සංගමය ඉල්ලා සිටියි
