වසර තුනකට පසු ජපානය මරණ දඩුවම ක්‍රියාත්මක කරයි

පළමු වරට ජපානය විසින් එරට පුද්ගලයෙකුට මරණ දඬුවම ක්‍රියාත්මක කර තිබෙන අතර එලෙස සිදු කර ඇත්තේ 2022 පසුවය.ඒ අනුව 2017 වසරේදී පුද්ගලයින් නව දෙනෙකු ඝාතනය කළ පුද්ගලයෙකුට මෙලෙස මරණ දඬුවම ක්‍රියාත්මක කර ඇති බවයි විදෙස් මාධ්‍ය වාර්තා කරන්නේ.Takahiro Shiraishi යන පුද්ගලයා හට මෙලෙස මරණ දඬුවම ලබාදී ඇති අතර ඔහු Twitter Killer ලෙස හැඳින්වෙන අතර, එවකට 30 හැවිරිදි වියේ පසුවූ ඔහු වයස අවුරුදු 15 – 26 අතර තරුණ පුද්ගලයින් 09 දෙනෙක් ඝාතනය කර තිබුණු බවයි සඳහන් වෙන්නේ.Takahiro Shiraishi විසින් මෙලෙස ඝාතනය කළ නවදෙනා හඳුනාගෙන තිබුණේ වර්තමානයේ X ලෙස හඳුන්වන Twitter සමාජ මාධ්‍ය ජාලය හරහා වන අතර, මෙම වින්දිතයින් සියලු දෙනා මිය යාමට උදව් ඉල්ලා සිටි බවත්, තමා ඊට උදව් කළ බවට ඔහු ප්‍රකාශ කර ඇති බවයි විදෙස් මාධ්‍ය වාර්තා සඳහන් කරන්නේ.මරණ දඬුවම ක්‍රියාත්මක කිරීමට පෙර කිසිදු පූර්ව දැනුම්දීමක් සිදු නොවීය.තවදුරටත් විදෙස් මාධ්‍යය සදහන් කරන්නේ ටෝකියෝ රැඳවුම් මැදිරියේදී සිකුරාදා දින දැඩි රහසිගතව එල්ලා මැරීම සිදු වූ අතර මරණ දඬුවම ක්‍රියාත්මක කරන තුරු කිසිදු තොරතුරක් හෙළි නොකළේය.Shiraishi එල්ලා මැරීමට අවසර දුන් අධිකරණ අමාත්‍ය කීසුකේ සුසුකි පැවසුවේ, “සමාජයට මහත් කම්පනයක් සහ නොසන්සුන්තාවයක් ඇති කළ” අපරාධයක් සඳහා වරදකරුගේ අතිශය ආත්මාර්ථකාමී චේතනාව සැලකිල්ලට ගනිමින්, එය සලකා බැලීමෙන් පසුව තමා මෙම තීරණය ගත් බවයි.