කොකෝව, කරදමුංගු සහ ගම්මිරිස් වැවීමේ හා සෑදීමේ කර්මාන්තයේ නියතු සේවකයින්ගේ දෛනික දීමනාව රුපියල් 1856.29ක් කරමින් අතිවිශේෂ ගැසට් පත්‍රයක් නිකුත් කර තිබෙනවා.
ඒ, කම්කරු කොමසාරිස් ජනරාල්, එච්.කේ.කේ.ඒ. ජයසුන්දර මහතා විසින්.
මේ අතර තේ වැවීමේ හා සෑදීමේ කර්මාන්තයේ දෛනික වැටුප රුපියල් 1350ක් නියම කරමින් ද ගැසට් පත්‍රයක් නිකුත් කර තිබෙනවා.
එමෙන්ම සම්මත ප්‍රමාණය වඩා වැඩියෙන් කඩන සෑම තේ දළු කිලෝග්‍රෑමයක් සඳහාම රුපියල් 50ක් ගෙවිය යුතුයි.
රබර් වැවීමේ හා දළ රබර් සැකසීමේ කර්මාන්තයේ සේවකයින්ට දෛනික වැටුප රුපියල් 1350ක් වන අතර සම්මත කිලෝග්‍රෑමයට වඩා වැඩි ප්‍රමාණයකට රුපියල් 50ක් ගෙවීමට නියමිත බව අදාළ ගැසට් නිවේදනයේ සඳහන්.
