ලෝක ආදිවාසීන්ගේ දින ජාතික සැමරුම් උත්සවය ජනාධිපති අනුර කුමාර දිසානායකගේ ප්‍රධානත්වයෙන් මහියංන දඹාන ආදිවාසී ගම්මානයේදී අද පැවැත්වෙයි.
1982 වසරේදී ජිනීවා නුවර පැවැත්වූ ආදිවාසී ජනතාව පිළිබඳ එක්සත් ජාතීන්ගේ ක්‍රියාකාරී කණ්ඩායමේ පළමු රැස්වීමේදී සෑම වසරකම අගෝස්තු මස 09 වන දින ලෝක ආදිවාසී ජනතාවගේ ජාත්‍යන්තර දිනය ලෙස නම් කෙරුණි.
මේවන විට ලොවපුරා රටවල් 90ක ආදිවාසී ජනතාව මිලියන 476ක් ජීවත් වන බවට ඇස්තමේන්තු කර තිබේ.
එය සමස්ත ලෝක ජනගහනයෙන් 6% කටත් වඩා අඩු ප්‍රමාණයක් වුවත් අවම වශයෙන් දරිද්‍රතාවයෙන් පෙළෙන්නන්ගෙන් 15% ප්‍රතිශතයක් නියෝජනය කරයි.
එකිනෙක වෙනස් වූ සංස්කෘතීන් 5,000ක් මෙන්ම භාෂා විශාල ප්‍රමාණයක් ඔවුහු හසුරුවයි.
