පෙබරවාරි 7 වන දා ඩිජිටල් ගෙවීම්වල නව යුගයක් සනිටුහන් කරමින් GovPay දියත් කෙරේ
‘GovPay’ පහසුකම රාජ්‍ය සේවාවන් ඩිජිටල්කරණය කිරීමේ මූලික පියවර ලෙස හඳුන්වා දීමට රජය පියවර ගෙන තිබෙන බව ජනාධිපති මාධ්‍ය අංශය දන්වා තිබේ .
ජනාධිපති අනුර කුමාර දිසානායක මහතාගේ ප්‍රධානත්වයෙන් එම සමාරම්භක උත්සවය මෙම පෙබරවාරි 7 වන දා පැවැත්වේ.
රජයේ ආයතන හරහා සිදු කෙරෙන ගනුදෙනු විධිමත් කිරීම හා නවීකරණය කිරීම මෙන්ම ආරක්ෂිත සහ කාර්යක්ෂම ඩිජිටල් ක්‍රමවේදයක් ඔස්සේ බාධාවකින් තොරව ගනුදෙනු කිරීමට සැලසීම මෙමඟින් අපේක්ෂා කෙරේ.
