රාජ්‍ය සේවා ආයතනවල පුරප්පාඩු පිරවීම සඳහා නව පත්වීම් සිදු කිරීම සඳහා අදාළ අමාත්‍යාංශ සහ ආයතනවලට බලය පැවරීම සඳහා අගමැතිනි හරිනි අමරසූරිය ඉදිරිපත් කළ යෝජනාවට කැබිනට් අනුමැතිය ලැබී තිබේ.
ඒ අනුව, ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යාංශයේ තනතුරු 909 ක්, කාන්තා හා ළමා කටයුතු අමාත්‍යාංශයේ තනතුරු 109 ක්, පරිසර අමාත්‍යාංශයේ තනතුරු 144 ක්, මහජන ආරක්ෂක සහ පාර්ලිමේන්තු කටයුතු අමාත්‍යාංශයේ තනතුරු 2,500 ක්, අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශයේ තනතුරු 22 ක්, මුදල් හා ආර්ථික සංවර්ධන අමාත්‍යාංශයේ තනතුරු 185 ක්, ධීවර, ජලජ හා සමුද්‍ර සම්පත් අමාත්‍යාංශයේ තනතුරු 20 ක්, රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ තනතුරු 1,615 ක්, මධ්‍යම පළාත් සභාවේ තනතුරු 72 ක් සහ ඌව පළාත් සභාවේ තනතුරු 303 ක් ඇතුළුව මුළු තනතුරු 5,882 ක් සඳහා නව බඳවා ගැනීම් සඳහා කැබිනට් අනුමැතිය ලැබී තිබේ.
