කොළඹ, හැව්ලොක් සිටි නිවාස සංකීර්ණයකදී රන් ආලේපිත ගිනි අවියක් සන්තකයේ තබා ගැනීම සම්බන්ධයෙන් රක්ෂිත බන්ධනාගාරගත කර සිටි විශාඛා අයිරාංගනී වීරකෝන් නමැති සැකකාරියට අද (ජූලි 17) කොළඹ මහාධිකරණය විසින් ඇප නියම කර තිබේ.
කොළඹ මහාධිකරණ විනිසුරු මංජුල තිලකරත්න විසින් සැකකාරිය වෙනුවෙන් ඉදිරිපත් කරන ලද ඇප ඉල්ලීම සලකා බැලීමෙන් අනතුරුව මෙම නියෝගය ලබා දුන්නේය.
ඒ අනුව, සැකකාරිය රුපියල් 250,000ක මුදල් ඇපයක් සහ රුපියල් ලක්ෂ 25 බැගින් වූ ශරීර ඇප දෙකක් මත මුදා හැරීමට අධිකරණය නියෝග කර ඇත.
