අනිවාර්යයයෙන් පාරික්ෂා කිරීම අවශ්ය බවට හඳුනාගෙන රතු සලකුණු යොදා තිබූ බහාලුම් 323ක් පමණ නිසි පරීක්ෂණයකින් තොරව මුදාහැරීමට අවසර ලබාදී ඇතැයි රේගු වෘත්තීය සමිති සන්ධානය චෝදනා කරයි.
ජනමාධ්ය හමුවේ අදහස් දක්වමින් එම සන්ධානයේ සභාපති අමිල සංජීව පැවසුවේ, මෙම බහාලුම් සඳහා රතු සලකුණු යොදා තිබූ අතර, ඒවා අනිවාර්ය පරීක්ෂාවට ලක්කිරීමට නියමිතව තිබූ බවයි.
එම බහාලුම් 323න් 80%ක් සඳහා රතු සලකුණු යොදා තිබූ නමුත් ඒවා නිසි පරීක්ෂාවකින් තොරව මුදාහැර ඇති බවද ඔහු පෙන්වාදුන්නේය.
එමෙන්ම ඔහු අනාවරණ කළේ, මෙම ගැටළුකාරී බහාලුම්වල ජාතික වෛද්ය නියාමන අධිකාරියේ අනුමැතිය නොමැති ඖෂධ, මිනිස් භාවිතයට නුසුදුසු සුවඳ විලවුන් සහ ආලේපන, නීතිවිරෝධී දුම්වැටි හෝ මත්ද්රව්ය සහ ගිනි අවි අඩංගු විය හැකි බවයි.
එලෙස නිෂ්කාශනය කරන ලද බහාලුම් සම්බන්ධයෙන් රේගු නිලධාරීන්ට වගකීම භාරගත නොහැකි බව ප්රකාශ කළ රේගු වෘත්තීය සමිති සන්ධානයේ සභාපති අමිල සංජීව, මෙම බහාලුම් මුදාහැරියේ කාගේ බලයක් සහ උපදෙස් මතද යන්න ප්රශ්න කළේය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
