මෙරටට ආහාරමය භාණ්ඩ ආනයනය සඳහා මේ වසරේ ගතවූ මාස 06 කාලයට අමරිකානු ඩොලර් බිලියන 2.3 ක මුදලක් වැය වී ඇති බව ඇස්තමේන්තු කර ඇත.
අගෝස්තු 08 නිකුත් කරන ලද මහ බැංකු වාර්තාවේ ඇතුලත් වන මෙම දත්ත මේ වසරේ ජනවාරි 01 වනදා සිට ජුනි 30 දක්වා කාලය මෙම ගණනය සඳහා යොදා ගෙන ඇත.
ගිය වසරේ මුල් මාස 06ට ආහාරමය පාරිභෝගික භාණ්ඩ ආනයනයට වැඩිපුර වැය වී ඇත්තේ අමරිකානු ඩොලර් මිලියන 781.3 ක මුදලකි.
එහිදී වැඩිම මුදලක් වැය වී ඇත්තේ ආහාර සහ පාන වර්ග සඳහායි. එම මුදල අමරිකානු ඩොලර් මිලියන 1094.5 වේ.
ඊට අමතරව මේ වසරේ මුල් මාස 06 තුළදී ධාන්‍ය හා ඇඹරුම් කර්මාන්ත ආශ්‍රිත නිශ්පාදන සඳහා අමරිකානු ඩොලර් මිලියන 78.9 ද කිරි ආශ්‍රිත නිෂ්පාදන සඳහා අමරිකානු ඩොලර් මිලියන 182.5 ද එළවළු සඳහා අමරිකානු ඩොලර් මිලියන 233 ද සීනි හා රස කැවිලි නිෂ්පාදන සඳහා ඩොලර් 2015 ද කුළු බඩු සඳහා අමරිකානු ඩොලර් මිලියන 47ක මුදලක්ද වැය කර ඇති බව මහ බැංකු වාර්තාවේ සඳහන් වෙයි.
