ශ්‍රී ලංකාව සහ මියෙන්මාරය අතර තිබෙන ශාසනික සම්බන්ධය සහ වසර දහස් ගණනක පටන් පවතින රාජ්‍යත්‍රාන්තික සම්බන්ධය සැලකිල්ලට ගෙන පසුගියදා ඇතිවූ භූ කම්පනයෙන් විපතට පත් මියන්මාර ජනතාවට සහන සැලසීමට යුහුසුළුව කටයුතු කරන මෙන් ජනාධිපතිතුමා ප්‍රමුඛ ශ්‍රී ලංකා ජනරජයෙන් ඉල්ලා සිටින බව නාගානන්ද ජාත්‍යන්තර බෞද්ධ විශ්වවිද්‍යාලයේ උපකුලපති ආචාර්‍ය පූජ්‍ය බෝදාගම චන්දිම නාහිමියන් පවසති.
එමෙන්ම සියම්, අමරපුර හා රාමඤ්ඤ ආදී නිකාය භේදයකින් හෝ ජාති ආගම් භේදයකින් හෝ තොරව විපතට පත් මියන්මාරයේ සහෝදර ජනතාවට සහන සැලසීම සඳහා එක්වන ලෙසද උන්වහන්සේ සියළු ජනතාවගෙන් ද ඉල්ලා සිටිති.
“මියන්මාරයට කඩිනමින් සහන සැලසීමට ශ්‍රී ලංකාවේ සහය ලබාදෙන්න” යන ශීර්ෂයෙන් යුතුව නිවේදනයක් නිකුත් කරමින් ආචාර්‍ය බෝදාගම චන්දිම නාහිමියන් මෙම ඉල්ලීම සිදුකරන අතර, නාගානන්ද ජාත්‍යන්තර බෞද්ධ අධ්‍යයන ආයතනය ලෙස හිතවත් විදේශීය වෛද්‍ය කණ්ඩායමක් වෛද්‍ය සහනාධාර ලබාදීම සඳහා මියෙන්මාරය වෙත යැවීමට මේ වන විටත් කටයුතු කර ඇති බවද සඳහන් කරයි.
ආචාර්‍ය බෝදාගම චන්දිම නාහිමියන් විසින් නිකුත්කළ සම්පූර්ණ නිවේදනය පහත දැක්වෙයි
