මහා ශිව රාත්‍රිය අදයි

ලෝකවාසී හින්දු බැතිමතුන් මහත් භක්තියෙන් සමරන හා ශිව රාත්‍රි දිනය අද (26) දිනට යෙදී තිබේ.

හින්දු දහමට අනුව මහා ශිව රාත්‍රිය යනු දෙවියන් අතුරින් ලොව බලවත්ම දෙවියා තමා බව ශිව දෙවියන් ලොවට විදහා දැක්වූ දිනය මහා ශිව රාත්‍රිය යන්නයි.

විෂ්ණු දෙවියන් මහා බ්‍රහ්මයන් හා ශිව දෙවියන් අතර ඇතිවූ ගැටුමේ දී ශිව දෙවිඳුන් මිහි ගැබේ සිට අහස් ගැබ දක්වා ආලෝකය කදම්භයක් විහිදුවමින් එහි දෙකෙළවර සොයාගන්නා අය බලවත්ම දෙවියා වන බව පැවැසූ බව හින්දු සාහිත්‍යයේ සඳහන් වේ. ඒ අනුව විෂ්ණු දෙවියන් සූකර වෙස් ගෙන මිහිගැබ හාරමින් ද මහා බ්‍රහ්මයා හංස වෙස් ගනිමින් අහස් ගැබ වෙත ගියද ඔවුන් දෙදෙනාට එහි දෙකළවර සොයා ගැනීමට නොහැකි විය. මෙම හේතුවෙන් හින්දු බැතිමතුන් ලොව බලවත්ම දෙවියා ශිව දෙවියන් බවට විශ්වාස කරනු ලබයි.

ඒ අනුව ශිව දෙවියන් ආලෝක කඳම්බය නිකුත් කළ නැකත උදාවන මහා ශිව රාත්‍රි දිනය ලොව පුරා හින්දු බැතිමතුන් ශිව දෙවියන්ට පූජෝපහාර දක්වමින් මහා ශිව රාත්‍රි දිනය සමරනු ලබයි.

දැඩි ශිව බැතිමතකු වූ රාවණ රජුගේ මරණින් පුසු ලංකාවට ඇතිවන ශාපයයෙන් මිදීම සඳහා රාවණා රජුගේ වන්දනාවට පාත්‍ර වූ දේවාල ද ඇතුළත්ව ලංකාව වටකොට ඊශ්වර දේවාල පහක් ඉදිකරවන ලදී.

පංචේශ්වර නමින් හඳුන්වන මෙම දේවාල මන්නාරම තිරුකේතිෂ්වරම් යාපනය (කීරිමලේ) නගුලේෂ්වරම්, ත්‍රිකුණාමලය කෝනේෂ්වරම්, හලාවත මන්නේෂ්වරම් මඩකලපුව තාන්තෝන්ඩේෂ්වරම් නම් විය. මෙම දේවාල පහේම පිහිටි ශිවලිංගම් ස්වභාවිකව පහළ වූ (ස්වයංභූලිංගම්) හෝ දෙවියන් විසින් අතින් සාදන ලද ඒවා බවට හින්දු බැතිමතුන් විශ්වාස කරති.