සුපිරි පොප් ගායක මයිකල් ජැක්සන්, 1997 වසරේ දී ප්‍රංශයේ පැවති ප්‍රසංගයක් අතරතුර පැළඳ සිටි දිලිසෙන මේස් කකුලක් ඩොලර් 9,000කට වෙන්දේසි වී ඇත.
ප්‍රංශයේ බදාදා පැවැති වෙන්දේසියකදී මෙය අලෙවි වී ඇතැයි වාර්තා වේ.
ජැක්සන් ඔහුගේ HIStory: Past, Present and Future, Book I ගීත ඇලබමය නිකුත් කිරීම ප්‍රවර්ධනය කිරීම සදහා මෙලෙස ප්‍රංශයේ ප්‍රසංගයට සහභාගීවන අතරතුර “සඳ ඇවිදීම” සිදු කරන ඉරියව්වේ දී මෙම මේස් එක විශේෂයෙන් කැපී පෙනුණු බව කියනු ලැබේ.
ජැක්සන් එය සෝදා නැති බවද සඳහන්ය.
මෙම වෙන්දේසියේදී, මේස් එක විකුණනු ලැබුවේ කාර්ය මණ්ඩල සාමාජිකයෙකුගෙන් ලැබුණු පසුපස වේදිකා අවසර පත්‍රයක් සමඟිනි. ඔහු නයිස් හි ප්‍රසංගයකින් පසු උපකරණ ඉවත් කිරීමේදී මෙය සොයාගෙන මේ දක්වා එය සුරැකිව තබාගෙන සිට තිබේ.
