පාර්ලිමේන්තු මන්ත්රී චාමර සම්පත් දසනායක මහතාට එරෙහිව පවතින විමර්ශනයක් තවමත් අවසන් කර නොමැති බව අල්ලස් හෝ දූෂණ චෝදනා විමර්ශන කොමිෂන් සභාව අද (17) කොළඹ මහේස්ත්රාත් අධිකරණයට දැනුම් දුන්නා.
මෙම නඩුව අද කොළඹ ප්රධාන මහේස්ත්රාත් තනූජා ලක්මාලී මහත්මිය හමුවේ කැඳවනු ලැබූ අවස්ථාවේදී, චාමර සම්පත් දසනායක මහතා ඇප මත සිටියදී අධිකරණය හමුවේ පෙනී සිටියා.
අල්ලස් කොමිසම වෙනුවෙන් පෙනී සිටි නිලධාරීන් අධිකරණයට දන්වා සිටියේ, 2016 වසරේදී පළාතේ ප්රධාන අමාත්යවරයා ලෙස කටයුතු කළ සමයේ, එම පළාත් සභාවට අයත් ස්ථාවර තැන්පතු ගිණුම් ඉවත් කරගැනීමෙන් රජයට රුපියල් ලක්ෂ 176කට අධික පාඩුවක් සිදුකළ බවට ඔහුට එල්ල වී ඇති චෝදනාව සම්බන්ධ විමර්ශන තවමත් සම්පූර්ණ කර නොමැති බවයි.
ඔවුන් වැඩිදුරටත් ඉල්ලා සිටියේ, විමර්ශන කටයුතු අවසන් කර අධිකරණයට වාර්තා කිරීම සඳහා කල් ලබා දෙන ලෙසයි. ඉදිරිපත් වූ කරුණු සලකා බැලූ මහේස්ත්රාත්වරිය, මෙම පැමිණිල්ල නොවැම්බර් මස 18 වනදා යළි කැඳවන ලෙස නියෝග කළා.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
