හිටපු මුදල් අමාත්‍ය රවී කරුණානායක නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රී ධුර දෙකෙන් එකක් සඳහා ඔහුගේ නම රහසේ මැතිවරණ කොමිසමට යොමුකිරිම සහා එම නම ගැසට් කිරීම සම්බන්ධයෙන් විරෝධතා මතුවන බැවින් ඔහුගේ බත්තරමුල්ලේ පිහිටි නිල නිවස ඉදිරිපිට අද පෙරවරුවේ ආරක්ෂාව තර කර තිබිණි.
පසුගිය සතියේ පැවති පාර්ලිමේන්තු මැතිවරණයෙන් පසු නව ප්‍රජාතන්ත්‍රවාදී පෙරමුණට (NDF) වෙන් වූ ජාතික ලැයිස්තු මන්ත්‍රී ධුර දෙකෙන් එකක් සඳහා කරුණානායකගේ නම මැතිවරණ කොමිසම විසින් ඊයේ ගැසට් කර තිබේ.
රවී කරුණානායකගේ නම එක්සත් ජාතික පක්ෂයේ හෝ එහි නායක රනිල් වික්‍රමසිංහගේ අනුමැතියකින් තොරව මැතිවරණ කොමිසම වෙත යොමුකර ඇතැයි එජාපය ප්‍රකාශ කරයි.
