සංවිධානාත්මක අපරාධකරුවකු හා මත්ද්‍රව්‍ය ජාවාරම්කරුවකු වන සේදවත්තේ කසුන්ගේ මෙරට මත්ද්‍රව්‍ය ජාවාරම සිදුකරනු ලබන පුද්ගලයන් දෙදෙනෙක් විශේෂ කාර්ය බලකාය නිලධාරීන් විසින් අත්අඩංගුවට ගෙන තිබෙන අතර,
විශේෂ කාර්ය බලකාය ගෝනහේන කඳවුරේ විශේෂ මෙහෙයුම් ඒකකයේ නිලධාරීන්ට ලද
තොරතුරකට ඊයේ (30) දින ග්‍රැන්ඩ්පාස් පොලිස් වසමමේ පී.ජි. පෙරේරා මාවත, සේදවත්ත ලිපිනයේ පිහිටි ගම්මඩු විහාරය ඉදිරිපිට සහ සේදවත්ත කළුපාලම අසල වැටලීම් සිදුකර තිබුණා.
එහි දී රිවෝල්වර් උණ්ඩ 04ක්, අයිස් මත්ද්‍රව්‍ය ග්‍රෑම් 31 මිලිග්‍රැම් 500 ක්, ජංගම දුරකථනයක් සහ මුදල් රුපියල් 6,500ක් සන්තකයේ තබාගෙන සිටි මුදුන්ගොඩ ප්‍රදේශයේ පදිංචි වයස අවුරුදු 21 ක පුද්ගලයෙක් අත්අඩංගුවට ගෙන තිබෙනවා.
අයිස් මත්ද්‍රව්‍ය ග්‍රෑම් 07 ක් සහ ජංගම දුරකථනයක් සන්තකයේ තබාගෙන සිටි සේදවත්ත ප්‍රදේශයේ පදිංචි වයස අවුරුදු 44ක පුද්ගලයකු ද මෙලෙස අත්අඩංගුවට ගෙන තිබුණා.
සැකකරුවන් දෙදෙනාගෙන් සිදුකරන ලද ප්‍රශ්න කිරීමේ දී අනාවරණය වී ඇත්තේ, සේදවත්තේ කසුන් නැමති අයගේ මෙහෙයවීම යටතේ මෙරට මත්ද්‍රව්‍ය ජාවාරම් සිදුකරගෙන යන බවටය.
