තමාගේ මිත්‍ර අනුර කුමාර දිසානායක මහතාට හූ කියන්නෙපා යැයි ජනාධිපති රනිල් වික්‍රමසිංහ මහතා ජනතාවට පවසා තිබෙනවා.
ජාතික ජනබලවේගයේ නායක ජනාධිපති අපේක්ෂක අනුර කුමාර දිසානායක මහතා පැවසූ ප්‍රකාශයක් උපුටා දක්වමින් ස්වාධීන ජනාධිපති අපේක්ෂක ජනාධිපති රනිල් වික්‍රමසිංහ මහතා මේ බව කියා සිටියා.
ඒ, ඊයේ (06) පස්වරුවේ හිනිදුම ප්‍රදේශයේ පැවති “පුළුවන් ශ්‍රී ලංකා” විජයග්‍රාහී ජන රැලිය අමතමින්.
එළැඹෙන ජනාධිපතිවරණයේ දී ජනාධිපති රනිල් වික්‍රමසිංහ මහතාගේ විජයග්‍රහණය තහවුරු කිරීම වෙනුවෙන් සංවිධානය කර තිබු එම ජන රැලියට අතිවිශාල ජනතාවක් එක්ව සිටි බවයි ජනාධිපති මාධ්‍ය අංශය සඳහන් කළේ.
ආර්ථිකය ගොඩනැඟීම සම්බන්ධයෙන් අනුර කුමාර දිසානායක මහතා සහ ඒ පිලම නියෝජනය කරන සුනිල් හඳුන්නෙත්ති මහතා පරස්පර ප්‍රකාශ සිදුකර ඇති බවත්, එය පැහැදිලි කර දෙන ලෙසත් එහිදී ජනාධිපතිවරයා ඉල්ලීමක් කර සිටියා.
