බේරේ වැවේ සතුන් මිය යාම සම්බන්ධයෙන් ලබාගත් ජල සාම්පල පිළිබඳ අවසන් පරීක්ෂණ වාර්තාව අද (31) නිකුත් කරන බව නාරා ආයතනය ප්‍රකාශ කළේය.
ආයතනයේ පරිසර අධ්‍යයන අංශයේ ප්‍රධානී ආචාර්ය ශ්‍යාමලී වීරසේකර පැවසුවේ ජලයේ ඇමෝනියා සාන්ද්‍රණයේ සැලකිය යුතු වැඩි වීමක් නිරීක්ෂණය වී ඇති බවයි.
“මේ අවස්ථාවේ ජලය දූෂිත මට්ටමක පවතී. කෙසේ වෙතත්, මේ සම්බන්ධයෙන් අදාළ වාර්තාව අද නිකුත් කෙරේ.”
මේ අතර, බේරේ වැවේ මියගිය පක්ෂීන්ගෙන් ලබාගත් සාම්පල පරීක්ෂා කිරීම ආරම්භ කර ඇති බව ප්‍රධාන නාගරික පශු වෛද්‍ය නිලධාරී වෛද්‍ය මොහොමඩි ඉජාස් පැවසීය.
සති දෙකක් ඇතුළත පරීක්ෂණ වාර්තා ලබා ගත හැකි වනු ඇතැයි මොහොමඩි ඉජාස් පැවසීය.
