2024 වසරේදී බදුල්ලේ පුද්ගලයින් 6,700ක් පමණ සුනඛ සපාකෑම්වලට ලක්ව බදුල්ල ශික්ෂණ රෝහලෙන් ප්රතිකාර ලබා ඇතැයි රෝහල් වාර්තා අනාවරණ කරයි.
රෝහල් බලධාරීන් පෙන්වා දෙන්නේ, සපාකෑම්වලට ලක්වූවන් අතර විදෙස් සංචාරකයින්ද වන බවයි.
වැඩි වශයෙන් සුනඛ සපාකෑම්වලට ලක්ව ඇත්තේ කුඩා දරුවන්ය.
මේ සම්බන්ධයෙන් අදහස් දැක්වු බදුල්ල ශික්ෂණ රෝහලේ හදිසි ප්රතිකාර ඒකකයේ, වෛද්ය පාලිත රාජපක්ෂ මහතා,
“බොහෝ වෙලාවට එන්නේ එන්නත්කරණයට ලක්නොකර ගෙදර ඉන්න බල්ලො සහ පූසෝ සපාකෑමෙන් තමා මේ තත්ත්වය වැඩිවෙලා තියෙන්නේ. සමස්තයක් විදියට ඌව පළාතේ 25,000ක් 30,000ක් විතර ප්රමාණයක් වාර්තා වෙනවා එන්නත් ලබාගන්න එන රෝගීන් ප්රමාණය.”
ඊට අමතරව ඇල්ල ප්රදේශයේ රිලා සපාකෑම්වලට සහ සුනඛ සපැකෑම්වලට ලක්වූ විදෙස් සංචාරකයින්ද බදුල්ල රෝහලෙන් ප්රතිකාර ලබා ඇතැයි රෝහල් වාර්තා අනාවරණ කරයි.
මෙවැනි පසුබිමක බදුල්ල නගරාශ්රිතව ආයාලේ හැසිරෙන සුනඛයින් ප්රදේශවාසීන්ට තවදුරටත් තර්ජනයක් වී තිබේ.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
