බදු ගෙවන්නන් විසින් තක්සේරු වර්ෂ 2023/2024 සඳහා මාර්ගගත ක්‍රමය හරහා ආදායම් වාර්තා ඉදිරිපත් කිරීමේ දී අවධානය යොමු කරන ලෙස නිවේදනයක් නිකුත් කොට ඇත.
සේවා නියුක්ති ආදායම හා පොලී ආදායම් පිළිබඳ තොරතුරු මේ වන විට පද්ධතිය තුළ යාවත් කාලීන කර ඇති බැවින් එම තොරතුරු තක්සේරු වර්ෂය තුළ ලද මුළු සේවා නියුක්ති ආදායම සහ මුළු පොලී ආදායම අනුව නිවැරදිව සටහන් වී ඇත්දැයි පරීක්ෂා කර බලන ලෙස එහි සදහන් ය.
සේවා නියුක්ති ආදායම පිළිබඳ තොරතුරු ඇතුළත් වී නොමැති නම් හෝ ඇතුළත් කර ඇති තොරතුරු නිවැරදිව නොවේ නම් සේවායෝජක විසින් ලබාදී ඇති T-10 සහතික පත්‍රයේ තොරතුරු භාවිතා කර සේවායෝජකගේ නම, ලිපිගොනු අංකය (TIN) e88) වර්ෂය තුළ ලද සේවා නියුක්ති ආදායම ඇතුළත් කරන්න ලෙසත් පරිලෝකය (Scan) කරන ලද එම T-10 සහතිකය උඩුගත කරන ලෙසත් එහි සදහන් වේ.
