ඉන්දීය කාශ්මීරයේ පෙහෙල්ගාම් වෙත එල්ලවූ ත්රස්ත ප්රහාරයේ සැකකරුවන් සිව්දෙනා තවමත් සුරක්ෂිතව දකුණු කාෂ්මීරයේ රැඳීසිටින බවට විශ්වසනීය තොරතුරක් ලැබී ඇති අතර, ත්රස්තවාදීන් සොයා පොලීසිය දැවැන්ත මෙහෙයුමක් දියත් කරන පසුබිමක මෙම පුවත වාර්තා විය.
පෙහෙල්ගාම් ප්රහාරය සමගින් ඇතිවූ ද්වීපාර්ශ්වීය මතගැටුම මුල්කරගෙන ඉන්දීය ගුවන්යානා සඳහා සිය ගුවන් කලාපය වසා දැමීමට පාකිස්තානය පියවර ගෙන තිබුණි. අඛණ්ඩ 8 වැනි දිනටත් ඉන්දු – පාකිස්තාන දේශසීමාවේ හමුදා අතර වෙඩි හුවමාරු සිදුවී තිබේ.