නීතිපති උපදෙස්.
පසුගිය 2019 වසරේ පාස්කු ඉරිදා කොළඹ කිංග්ස්බරි හෝටලයට බෝම්බ ප්‍රහාරයන් එල්ල කළ සිද්ධිය සම්බන්ධයෙන් නීතිපති උපදෙස් සදහා 2025 වසරේ පෙබරවාරි මස 29 වනදා යළි කැඳවන ලෙස කොටුව මහේස්ත්‍රාත් තනූජා ලක්මාලි මහත්මිය අද 7 නියෝග කොට ඇත.
ඒ අපරාධ පරීක්ෂණ දෙපාර්තමේන්තුව නඩුව කැඳවූ අවස්ථාවේදී නීතිපති උපදෙස් ලැබි නැති බව අධිකරණයට දැනුම් දීමෙන් අනතුරුව වන අතර එම බෝම්බ ප්‍රහාරය එල්ල කරමින් මියගිය ස්වයං ඝාතක බෝම්බ කරු වන මොහොමඩ් මුබාරක් නැමැති ත්‍රස්තවාදියාගේ බිරිඳවන ඇප මත මුදා හැර ඇති අයේෂා සිද්ධිකා මොහොමඩ් වසීම් සහ පී ආර් මොහොමඩ් සහරාන් යන අයවළුන් නඩුව කැඳවන අවස්ථාවේදී විවෘත අධිකරණයේ පෙනී සිට ඇත.
