කලා සහ සංස්කෘතික කටයුතු පිළිබඳ පාර්ලිමේන්තු සංසදයේ සභාපති ලෙස පාර්ලිමේන්තු මන්ත්‍රී ජගත් මනුවර්ණ මහතා පාර්ලිමේන්තුවේදී තේරී පත් විය.
මෙම සංසදයේ සමාරම්භක රැස්වීමේදී ජගත් මනුවර්ණ මහතාගේ නම පාර්ලිමේන්තු මන්ත්‍රී රුවන් මාපලගම මහතා විසින් යෝජනා කරන ලද අතර, සුගත් වසන්ත ද සිල්වා මහතා විසින් එය ස්ථිර කරන ලදි.
එසේම, මෙම සංසදයේ නියෝජ්‍ය සම සභාපතිවරුන් ලෙස පාර්ලිමේන්තු මන්ත්‍රීවරුන් වන රුවන් මාපලගම, තුෂාරි ජයසිංහ, සුසන්ත දොඩාවත්ත, සුගත් වසන්ත ද සිල්වා සහ නිලන්ති කොට්ටහච්චි යන මහත්ම මහත්මීන් තේරී පත් විය.
සංසදයේ ඉදිරි වැඩකටයුතු පිළිබඳ සාකච්ඡා කිරීම සඳහා සංසදය එළඹෙන 22 වැනිදා නැවත රැස්වීමට තීරණය කර තිබේ.
