ඊයේ එනම් (02) විශේෂ නිවේදනයක් නිකුත් කරමින් සඳහන් කළේ පාර්ලිමේන්තුව අද (03) සහ (04) හෙට රැස්වීමට නියමිත බවටයි.
ඒ අනුව අද පෙ.ව 09.30ට පාර්ලිමේන්තුව රැස් වන අතර පෙ.ව 09.30 සිට 10.30 දක්වා වාචික පිළිතුරු අපේක්ෂා කරන ප්‍රශ්න සඳහා වෙන් කර තිබෙනවා.
අනතුරුව පෙ.ව. 1030 සිට ප.ව. 5.00 දක්වා විදේශ නඩු තීන්දු අනෝන්‍යව පිළිගැනීම, ලියාපදිංචි කිරීම සහ බලාත්මක කිරීම පනත් කෙටුම්පත (දෙවනිවර කියවීම), අපරාධ නඩු විධාන සංග්‍රහය (සංශෝධන) පනත් කෙටුම්පත (දෙවනිවර කියවීම) සහ සේවකයන්ගේ ජාතික අවම චේතනය පනත් කෙටුම්පත දෙවනිවර කියවීමට නියමිතව තිබෙනවා
ඉන්පසු පව. 5.00 සිට ප.ව. 5.30 දක්වා සභාව කල් තබන අවස්ථාවේ යෝජනාව (ආණ්ඩු පාර්ශ්වය) විවාදයට ගැනීමට නියමිතව ඇති බවයි වාර්තා වේ.
සැප්තැම්බර් 04 වැනි එනම් හෙට පෙ.ව 9.30ට පාර්ලිමේන්තුව රැස්වන අතර පෙ.ව 9.30 – පෙ. 10.00 කාලය වාචික පිළිතුරු අපේක්ෂා කරන ප්‍රශ්න සඳහා වෙන් කර තිබෙ.
අනතුරුව පෙව. 10.00 සිට ප.ව. 5.00 දක්වා ආනයන අපනයන පනත යටතේ රෙගුලාසි ද්විත්වයක්, කොළඹ වරාය නගර ආර්ථික කොමිෂන් සභා පනත යටතේ රෙගුලාසි, උපායමාර්ගික සංවර්ධන ව්‍යාපෘති පනත යටතේ නියෝගය ද්විත්වයක් සහ ශ්‍රී ලංකා මහ බැංකු පනත යටතේ රීති විවාද කොට සම්මත කිරීමට නියමිත බවටයි.
ඉන්පසු ප.ව. 5.00 සිට පව 530 දක්වා සභාව කල් තබන අවස්ථාවේ යෝජනාව (විරුද්ධ පාර්ශ්වය) විවාදයට ගැනීමට නියමිතව තිබෙන බවත් වැඩිදුර සඳහන් වේ
