ප්‍රදේශ කිහිපයකට පැය 8 1/2ක ජල කප්පාදුවක් සිදු කෙරෙන බව ජාතික ජලසම්පාදන හා ජලාපවහන මණ්ඩලය පවසයි.
බියගම ජල පවිත්‍රාගාරයේ පවතින විදුලි බල මණ්ඩලය සතු විදුලි පද්ධතියේ අත්‍යවශ්‍ය නඩත්තු කටයුත්තක් හේතුවෙන් (මාර්තු 27) බ්‍රහස්පතින්දා උදෑසන 8:30 සිට පස්වරු 5:00 දක්වා මෙම ජල කප්පාදුව සිදුකරන බව එම මණ්ඩලය සඳහන් කළේ ය.
ඒ අනුව, පෑලියගොඩ, වත්තල, ජා ඇල, කටුනායක, සීදුව නගර සභා බල ප්‍රදේශ, කැලණිය, වත්තල, බියගම, මහර, දොම්පේ, කටාන, මිනුවන්ගොඩ සහ ගම්පහ ප්‍රාදේශීය සභා බල ප්‍රදේශයන් සඳහා ජල කප්පාදුවක් සිදු කරයි.
මෙම ජල සැපයුම අත්හිටුවීම හේතුවෙන් ජල පරිභෝගිකයින්ට සිදුවන අපහසුතාව පිළිබඳව මණ්ඩලය සිය කණගාටුව පළ කරන අතර, අවශ්‍යතා පරිදි ජලය රැස් කර තබා ගන්නා ලෙස ජාතික ඔවුන් ජනතාවට දැනුම් දෙයි.
