මාළු මිරිස්, අමු මිරිස්, බෝංචි සහ තක්කාලි මිල පහළ ගොස් ඇති අතර සෙසු එළවළු ගණනාවකද තොග මිල ගණන් පහළ ගිය බව දඹුල්ල විශේෂිත ආර්ථික වෙළෙඳ මධ්‍යස්ථානයේ තොග වෙළෙන්දෝ පැවැසූහ.
කෙසේ වෙතත් තොග මිලට සාපේක්ෂව සිල්ලර වෙළෙඳපොළේ මිල ගණන් සියයට 30කින් පමණ ඉහළ ගොස් තිබේ. පසුගිය සතියේදී රුපියල් 900/= ට අලෙවි වූ මාළු මිරිස් කිලෝවක තොග මිල ඊයේ රුපියල් 450ක් දක්වා පහළ ගොස් තිබූ අතර රුපියල් 1100/= පසුගිය සතියේදී අලෙවි වූ අමු මිරිස් කිලෝවක තොග මිල රුපියල් 700ක් දක්වා පහළ ගිය අතර බෝංචි කිලෝවක් රුපියල් 300ක් තක්කාලි 180ක් දක්වා පහළ ගොස් තිබිණි.
