ජනාධිපති අපේක්ෂකයන් සඳහා පවත්වන මැතිවරණ රැලි සඳහා වතුකරයේ ජනතාව සහභාගී කරවා ගැනීමට, බෝතල් කළ බාල තත්ත්වයේ ‘රා’ නොමිලේ බෙදාදෙන බවට පැමිණිලි ගණනාවක් ලැබී ඇති බව ප්රජාතන්ත්රවාදී ප්රතිසංස්කරණ සහ මැතිවරණ අධ්යයන ආයතනයේ විධායක අධ්යක්ෂ මංජුල ගජනායක මහතා පවසනවා.
මේ සම්බන්ධයෙන් මාධ්ය වෙත අදහස් දක්වමින් ඒ මහතා කියා සිටියේ, නිසි ප්රමිතියකින් තොර ‘රා’ බෝතල් වතුකම්කරුවන්ට ලබාදීම හේතුවෙන් ඔවුන් සේවයට වාර්තා කිරීම ද අඩාල වී ඇති බවයි.
ඒ හේතුවෙන් වතු කම්කරුවන්ගේ කාර්යක්ෂමතාව ද පහළ වැටී ඇති බවට වතු අධිකාරිවරු ඇතුළු වතු පාලනාධිකාරීන් විසින් පැමිණිලි ඉදිරිපත් කර තිබෙනවා.
මෙලෙස ඔවුන් මැතිවරණ රැලි සඳහා සහභාගී කරවා ගැනීමට නිසි ප්රමිතියකින් තොර ‘රා’ බෝතල් ලබාදීම මැතිවරණ නීති බරපතල ලෙස උල්ලංඝනය කිරීමක් බවයි මංජුල ගජනායක මහතා අවධාරණය කළේ.
ඒ අනුව ‘බාල රා’ නොමිලේ ජනතාව අතර බෙදාහැරීම දුම්කොළ හා මධ්යසාර පනතට අනුව ද වරදක් වන බවද ඒ මහතා පෙන්වා දුන්නා.
මෙම බාල මධ්යසාර වර්ග ජනතාව පානය කිරීම හරහා සෞඛ්යමය හානි ඇතිවිය හැකි අතර එමගින් වතුකරයේ ශ්රම බළකායේ කාර්යක්ෂමතාව අඩාලවීමට ද බලපානු ඇති.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
