නුවරඑලියේ සිට මඩකලපුව දක්වා ධාවනය වූ පෞද්ගලික බස් රථයක්, නුවරඑළිය වලපනේ ප්‍රධාන මාර්ගයේ අනතුරට පත් වීමෙන් එම බස් රථයේ ගමන් ගත් සිව් දෙනෙකු තුවාල ලබා නුවරඑළිය දිස්ත්‍රික් මහ රෝහල වෙත ඇතුලත් කල බව වලපනේ පොලිසියේ නිළධාරියෙකු පැවසීය.
මඩකලපුව ප්‍රදේශයේ සිට නුවරඑළිය ප්‍රදේශයේ සංචාරයක පැමිණ ආපසු මඩකලපුව දක්වා එම පිරිස රැගත් බස් රථය ධාවනය කරවන අවස්ථාවේ බස් රථයේ ඉදිරිපස වම් රෝදය ගැලවී යාමෙන් පසු බස් රථය රියදුරුගේ පාලනයෙන් මිදි බස් රථය මාර්ගයේ වම් පස කන්දක ගැටී බස් රථය නතර වී ඇත.
බස් රථය තුල මගීන් 60 දෙනෙකු පමණ සිටි බව ප්‍රදේශවාසීන් කියා සිටියේය.
අනතුර පිලිබද වලපනේ පොලිසිය පරික්ෂණ පවත්වයි.
