නුවරඑළිය ගොල්ෆ් පිටියේ පිහිටි රූස්ස ගස් ගණනාවක කඳේ පොතු ඉවත්කර කිසියම් ද්‍රාවණයක් ආලේප කර ඇති බව වාර්තාවේ.
ඒ සම්බන්ධයෙන් චෝදනා එල්ල කරන පිරිස් පවසන්නේ අදාළ ගස් ස්වාභාවික අයුරින් මියයෑමට සැලැස්වීම සඳහා මෙලෙස ද්‍රාවණයක් ආලේප කර ඇති බවයි.
ගස් පනහකට ආසන්න සංඛ්‍යාවක බඳේ තීරුවක් කපා ද්‍රාවණය ආලේප කර ඇති බව නිරීක්ෂණය වේ.
තමන්ට ද මේ සම්බන්ධයෙන් වාර්තා වී ඇති බව නුවරඑළිය ප්‍රාදේශීය ලේකම් ප්‍රගීත් ධනංසූරිය පවසයි.
ඒ අනුව පරිසර අධිකාරිය, වන සංරක්ෂණ දෙපාර්තමේන්තුව ඇතුළු දෙපාර්තමේන්තු වෙතින් ඔහු වාර්තාවක් කැඳවා තිබේ.
නුවරඑළිය ගොල්ෆ් පිටිය දැනට පවතින්නේ නුවරඑළිය නුවරඑළිය නගර සභාව යටතේ වන අතර ඔවුන් එය ගොල්ෆ් සමාජයට බදු පදනම මත ලබා දී ඇත.
