උප්පුවේලි පොලිස් ස්ථානයට අනුයුක්ත උපපොලිස් පරික්ෂකවරයකු විසින් 2023.03.13 දිනත් 2023.06.20 දිනත් අතර කාලයේදි, නීතිපති දෙපාර්තමේන්තුවේ පෞද්ගලික සහකාර රැකියාවක් ලබාදෙන බවට පවසා මුදල් වංචා කිරීමේ සිදුවීමක් වාර්තා වේ.
නීතිපති දෙපාර්තමේන්තුවේ ලිපි ශිර්ෂය යටතේ නියෝජ්‍ය සොලිස්ටර් ජෙනරල් සුදර්ශණි ඒකනායකගේ නමින් නිල මුද්‍රාව සහ අත්සන් සහිතව ව්‍යාජ පත්විම් ලිපි දෙකක් අවස්ථා දෙකකදී ඔහු විසින් ලබාදී ඇත.
ඒ වෙනුවෙන් රුපියල් 437,300/= ක මුදලක් ගිණුම්ගත කරවා ගැනිමෙන් හා අත්පිට මුදලින් ලබාගෙන වංචා කිරිම, සාපරාධි විශ්වාසය කඩකිරිම, සාපරාධි සාවද්‍ය පරිහරණය සිදුකිරීම හා ව්‍යාජ ලෙස සකස් කළ පත්වීම් ලිපි දෙකක් සෑබැ ලේඛණ ලෙස ඉදිරිපත් කිරිම සම්බන්ධයෙන් ඔහුව පොලිසිය විසින් අත්අඩංගුවට ගෙන ඇත.
මැදකොටුව, බිබිලිගමුව පදිංචිකාරියක විසින් කරන ලද ලද පැමිණිල්ලකට අදාළව විමර්ශන සිදුකර අත්අඩංගුවට ගත මෙම පොලිස් නිලධාරියා වැලිමඩ මහේස්ත්‍රාත් අධිකරණයට ඉදිරිපත් කිරීමෙන් පසු 2025.02.05 වන දින දක්වා රක්ෂිත බන්ධනාගාර ගත කර ඇත.
