ශ්රේෂ්ඨාධිකරණ විනිසුරු ප්රීති පද්මන් සූරසේන මහතා මෙරට මීළඟ අගවිනිසුරුවරයා ලෙස පත් කිරීමට ජනාධිපති අනුර කුමාර දිසානායක මහතා ආණ්ඩුක්රම ව්යවස්ථා සභාවට නිර්දේශ කර තිබේ. ජනාධිපතිවරයාගේ මෙම නිර්දේශය සම්බන්ධයෙන් අවසන් තීරණයක් ගැනීම සඳහා ආණ්ඩුක්රම ව්යවස්ථා සභාව හෙට (ජූලි 23) බදාදා රැස්වීමට නියමිතය.
වර්තමාන අගවිනිසුරු මුර්දු ප්රනාන්දු මහත්මිය ජූලි 27 වැනිදා විශ්රාම ගැනීමට නියමිත අතර, ඇය ජූලි 25 සිකුරාදා ශ්රේෂ්ඨාධිකරණය හමුවේ සිය සමුගැනීමේ කතාව පැවැත්වීමට අපේක්ෂා කෙරේ.
ශ්රේෂ්ඨාධිකරණයේ සිටින ජ්යෙෂ්ඨතම විනිසුරුවරයෙකු වන ප්රීති පද්මන් සූරසේන මහතා අධිකරණ සේවා කොමිෂන් සභාවේ සාමාජිකයෙකු ලෙසද කලක් කටයුතු කර ඇත. මෙරට ප්රධාන පෙළේ සහ අවධානය දිනාගත් නඩු කටයුතු රැසක විනිසුරුවරයා ලෙස කටයුතු කර ඇත්තේ ද සූරසේන මහතාය. මීට අමතරව, පොලිස්පති දේශබන්දු තෙන්නකෝන් මහතාට එරෙහි චෝදනා විමර්ශනය කෙරෙන පාර්ලිමේන්තු ත්රිපුද්ගල කමිටුවේ සභාපතිවරයා ලෙසද ඔහු මේ වන විට කටයුතු කරයි
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
