මෙරට දෙවැනි චේතිය රජු බවට පත්ව ඇත්තේ වත්මන් ජනාධිපති අනුර කුමාර දිසානායක බව සමගි ජන බලවේගයේ හිටපු පාර්ලිමේන්තු මන්ත්‍රී තුෂාර ඉඳුනිල් පවසනවා.ආණ්ඩුව බොරු ප්‍රකාශ කරමින් බලයට පැමිණි බවත්, ආණ්ඩුව පසුගිය මාස 07 ටම ව්‍යාපෘති හතරක් පමණක් සිදු කළ බවයි ජන රැළියක් අමතමින් හිටපු මන්ත්‍රීවරයා සඳහන් කළේ.
ඒ අනුව එම ව්‍යාපෘති හතර වන්නේ, ජපන් ජබර ව්‍යාපෘතිය, ස්ටිකර් ගැලවීමේ ව්‍යාපෘතිය, රිලවුන් සහ දඬුලේන්නු ගණන් කිරීමේ ව්‍යාපෘතිය සහ දන්ත ධාතූන් වන්දනාමාන කිරීමේ ව්‍යාපෘතිය බවද, මෙවැනි විකට වැඩසටහන් නිසා ආණ්ඩුව දිනෙන් දින ‘පච වන’ තැනට පැමිණ ඇති බවද ඔහු ප්‍රකාශ කළා.
මීට පෙර කුමන හෝ ගිවිසුමක් ගැසූ පසු කම්කරුවන් පාරට ගෙනැවිත් විරෝධතා දක්වන ආණ්ඩුවට, ඉන්දිය‍ාව සමඟ හොර රහසේ අත්සන් කරන ලද ගිවිසුම් මැතිවරණට පෙර හෙළිදරව් කරන ලෙස ප්‍රකාශ කරන බවයි හිටපු පාර්ලිමේන්තු මන්ත්‍රී තුෂාර ඉඳුනිල් වැඩිදුරටත් ප්‍රකාශ කර සිටියේ.
