දුම්රිය රියදුරුගේ දැඩි අවධානය නිසාවෙන් දුම්රිය මාර්ගය හරහා නිදා සිටි තරුණ මවක් සහ තුන් හැවිරිදි දියණියකගේ දිවි බේරා ගැනීමට අද (10) උදෑසන හැකිව ඇත.
මෙම සිදුවීම සිදුව ඇත්තේ කැලණිවැලි දුම්රිය මාර්ගයේ අවිස්සාවේල්ල, හිගුරල සහ මිරිස්වත්ත උප දුම්රිය ස්ථාන අතරතුරදීය.
මෙහිදී එම මවගේ සහ දියණියගේ දිවි බේරුණ ද, දුම්රිය ගැටීමෙන් දෙදෙනාටම සුළු තුවාල සිදුව තිබෙනවා.
ඒ හේතුවෙන් 1990 සුව සැරිය ගිලන් රථයක් මඟින් ඔවුන් දෙදෙනා අවිස්සාවේල්ල මූලික රෝහලට ඇතුළත් කර ඇති අතර, මේ වනවිට ඔවුන් එම රෝහලේ නේවාසිකව ප්‍රතිකාර ලබයි.
