දියලුණු මිල දියවෙයි
දියලුණු කිලෝවක නිෂ්පාදන වියදම රුපියල් විසිපහක් පමණ වන බැවින් මේ වන විට රුපියල් එකසිය අසූවකට වෙළෙඳපොළ තුළ අලෙවි කරනු ලබන දිය ලුණු කිලෝවක් ඉදිරියේදී රුපියල් පනහකට අලෙවි කිරීමට කටයුතු කරන බව කර්මාන්ත හා ව්යවසාය සංවර්ධන අමාත්ය සුනිල් හඳුන්නෙත්ති පැවැසීය.
හෙතෙම මේ බව කියා සිටියේ පසුගියදා මුවන්ගල, උක්සිරිපුර ප්රදේශයේ පැවැති ජන හමුවකදී අදහස් දක්වමිනි.
මෙහිදී අදහස් දක්වමින් අමාත්යවරයා කියා සිටියේ වෙළෙඳපොළේ සීනි අලවිය ව්යාපාරිකයන් පස්දෙනකුගේ ඒකාධිකාරය යටතේ පවතින බැවින් සීනි මිලද මෙලෙස ඉහළගොස් ඇති බවයි.
එබැවින් දේශීය වෙළෙඳපොළේ අලෙවි කිරීමට නොහැකි නම් විදෙස් රටවල් වෙත අපනයනය කර හෝ සීනි ඒකාධිකාරිය බිඳ දමා සීනි කර්මාන්තය දියුණු කිරීමට කටයුතු කරන බව අමාත්යවරයා අවධාරණය කළේය.
හිඟුරාණ ගල්ඔය සීනි කර්මාන්තය සියයට පනස් එකක් රජය සතු නමුත් එම අයිතිය රජයට නොලැබෙන බව පැවැසූ අමාත්යවරයා වැඩිදුරටත් කියා සිටියේ තවමත් මේ සම්බන්ධයෙන් සමාගමට බලපෑම් සිදුනොකළ නමුත් නීත්යානුකූලව අදාළ පියවර ගැනීමට කටයුතු කරන බවයි
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
