මෙරට ක්රියාත්මක වන ම්ලේච්ඡ මිනීමරු සංස්කෘතිය නැති කිරීම සහ නීතිය හා සාමය ස්ථාපිත කිරිමට රජය කඩිනම් වැඩපිළිවෙළක් ක්රියාත්මක කළ යුතු බව විපක්ෂ නායක සජිත් ප්රේමදාස පවසයි.
මේ දිනවල සිදුවූ වෙඩි තැබීම් සම්බන්ධයෙන් අද (15) පාර්ලිමේන්තුවේදී අදහස් දක්වමින් විපක්ෂ නායකවරයා මේ බව සඳහන් කලේය.
අක්මීමන බූස්ස ඝාතනය, තල්දෙණ මීගහකිවුල ඝාතනය, අගුණකොළපැලැස්ස ඝාතනය, වැලිවේරිය වෙඩි තැබීම මුතූර් බල ප්රදේශයේ ද්විත්ව ඝාතනය, ඊයේ දින අම්බලන්ගොඩ සිදුවු වෙඩි තැබීම කොළඹ ග්රෑන්ඩ් පාස් ප්රදේශයේ සිදුවූ ද්විත්ව ඝාතනය පිළිබඳ මෙහිදී ඉස්මතු කළ සජිත් ප්රේමදාස පවසා සිටියේ මෙරට මහජන ආරක්ෂාව සම්බන්ධයෙන් විශාල ප්රශ්නයක් පවතින බවයි.
“ඊයේ දවසෙත් මේ ප්රශ්නය මතු කළා. තවම පොලිස්පති හොයාගන්න බැහැ. උසාවියේ මිනී මැරුම සංවිධානය කළැයි කියන කාන්තාව හොයාගන්න බැහැ. මේ දිනපතාම ක්රියාත්මක වන මිනීමරු සංස්කෘතියට නැවතීමක්, විසඳුමක් නැද්ද, මේ තත්වය තුළ රටේ ජනතාව දැඩි අනාරක්ෂිත තත්වයකට පත්ව තිබෙනවා”
මේ සම්බන්ධයෙන් ජනාධිපතිවරයා ප්රමුඛ රජයේ අවධානය යොමු විය යුතු බවත් ඊට එරෙහිව ගෙනෙන විසඳුම් ජනතාවට ඉදිරිපත් කළ යුතු බවත් සජිත් ප්රේමදාස තවදුරටත් අවධාරණය කලේය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
