දකුණු කොරියාවේ ‘නිදහසේ හඩ’ නිවීයයි

උතුරු කොරියාව වෙත විකාශය කළ සිය හමුදා ගුවන් විදුලි නාළිකාව අත්හිටුවීමට දකුණු කොරියාව පියවර ගෙන තිබේ.

‍වසර 15ක් පුරාවට විකාශනය සිදුවූ ‘නිදහසේ හඬ’ නමැති මෙම ගුවන් විදුලිය අත්හිටුවීමට දකුණු කොරියාව මෙලෙස පියවර ගෙන ඇත.

උතුරු කොරියාව සමඟ පවතින හමුදාමය ආතතීන් අවම කිරීමේ සහ සංහිඳියාව ඇතිකිරීමේ උත්සාහයක් ලෙස දකුණු කොරියාව මෙම පියවර ගෙන තිබේ.

2010 වසරේදී උතුරු කොරියාව විසින් දකුණු කොරියාවට අයත් යුද නෞකාවක් ගිල්වීමේ සිද්ධියෙන් පසුව මෙම ගුවන් විදුලි විකාශය ආරම්භ කර තිබුණි.

නිදහසේ හඬ හමුදා ගුවන් විදුලියෙන් විකාශය කෙරුණේ දකුණු කොරියාවේ දේශපාලනය, ආර්ථික හා සංවර්ධන වැඩසටහන්, කේ පොප් සංස්කෘතිකාංග යනාදියයි.

මෙම ගුවන් විදුලි විකාශය උතුරු‍ කොරියාවට එරෙහිව මානසික වශයෙන් බලපෑම් කිරීම ද අරමුණු කරගනිමින් පිහිටුවූවක් විය.

එය ක්‍රියාත්මක කර තිබුණේ ද දකුණු කොරියා ආරක්ෂක අංශයේ ආරක්ෂක මනෝවිද්‍යාත්මක මෙහෙයුම් කණ්ඩායම විසින් වෙයි.

යූන් සුක් යෝල්ගේ පාලනය යටතේ තිබියදී මෙම ගුවන් විදුලි විකාශයට දැවැන්ත ශබ්ද විකාශන යන්ත්‍ර විශාල ප්‍රමාණයක් උතුරු-දකුණු කොරියා දේශසීමාවේ සවිකිරීමට පියවර ගෙන තිබුණි.

කෙසේවෙතත් එවැනි ශබ්ද විකාශන යන්ත්‍ර ඉවත් කිරීමට පියවර ගෙන තිබේ.