ජාත්‍යන්තර ගෘහ කම්කරු දිනය නිමිත්තෙන් අද (ජූනි 17) හැටන් නගරයේ නිහඬ විරෝධතාවක් පැවැත්වුණා. මෙම විරෝධතාවය සංවිධානය කර තිබුණේ ප්‍රොටෙක් සංගමය විසින්.
විරෝධතාවයේදී අදහස් දැක්වූ ප්‍රොටෙක් සංගමයේ සභාපතිනි එම්. මෛයිදිලි මහත්මිය කියා සිටියේ ගෘහ කම්කරුවන් මේ වන විට විවිධ ගැටලුවලට මුහුණ දී සිටින බවත්, ඊට විසඳුම් ලබා දීමට අදාළ බලධාරීන් කිසිදු පියවරක් ගෙන නොමැති බවත්ය.
ගෘහ කම්කරුවන් සඳහා නිසි නීති පද්ධතියක් ක්‍රියාත්මක නොවීම මෙයට ප්‍රධාන හේතුව බව ඇය අවධාරණය කළා. එම තත්ත්වයන් පිළිබඳ අවධානය යොමු කරමින්, ගෘහ කම්කරුවන් ආරක්ෂා කිරීමට නීති පද්ධතියක් ක්‍රියාත්මක කිරීමට අදාළ නිලධාරීන් වහාම පියවර ගත යුතු බවද මෛයිදිලි මහත්මිය වැඩිදුරටත් සඳහන් කළා.
