ජර්මනියේ ද්විත්ව ඔලිම්පික් ශූරියක වන ලෝරා ඩල්මයර් පාකිස්තානයේ කඳු නැගීමකදී සිදු වූ අනතුරකින් බරපතළ තුවාල ලබා ඇති බව වාර්තා වේ.
මෙම අනතුර සිදුව ඇත්තේ පසුගිය 28 වන දා ඩල්මයර් සිය සහකරු සමඟ කරකෝරම් කඳුකරය තරණය කරමින් සිටියදීය. අයහපත් කාලගුණය හේතුවෙන් අඟහරුවාදා (ජූලි 29) උදෑසන වන තුරු ඇය වෙත ගලවා ගැනීමේ හෙලිකොප්ටරයකට ළඟා වීමට නොහැකි වී තිබේ. දුර්වල ආලෝකය හේතුවෙන් අඟහරුවාදා සවස මෙහෙයුම් තාවකාලිකව අත්හිටුවීමට සිදුවූ අතර, අද (ජූලි 30) උදෑසන නැවත මෙහෙයුම් ආරම්භ කළ බව ජර්මානු ගුවන් විදුලි විකාශක ZDF වාර්තා කරයි.
ලෝරා ඩල්මයර් සිය වෘත්තීය ජීවිතය තුළ විවිධ අංශයන් නියෝජනය කරමින් ලෝක ශූරතාවලියේදී රන් පදක්කම් 15ක් දිනාගෙන ඇත. ඇය එකම ඔලිම්පික් උළෙලකදී කෙටි දුර ධාවන ඉසව්ව සහ ලුහුබැඳීමේ ඉසව්ව යන තරඟ දෙකම ජයග්‍රහණය කළ පළමු කාන්තාව ලෙසද ඉතිහාසයට එක් වී සිටී.
