ජපානයේ දකුණු දිග කගෝෂිමා ප්රාන්තයේ අකුසෙකිජිමා (Akusekijima) දූපතට රික්ටර් මාපකයේ 5.5ක අගයක් ගත් ප්රබල භූ කම්පනයක් අද (ජූලි 6) වාර්තා වී තිබෙනවා. කෙසේ වෙතත්, මේ වන විට සුනාමි අනතුරු ඇඟවීමක් නිකුත් කර නැහැ.
ටොෂිමා (Toshima) ගම්මානයේ නිලධාරීන් කියා සිටියේ, අකුසෙකිජිමා දූපතේ පදිංචිකරුවන් 23 දෙනාගේම ආරක්ෂාව තහවුරු කර ඇති බවත්, ඔවුන් මේ වන විට දූපතෙන් ඉවත් කර ඇති බවත්ය.
මෙම භූ කම්පනයට අමතරව, ජපාන වේලාවෙන් ඊයේ (ජූලි 5) උදෑසන ද අකුසෙකිජිමා දූපතට රික්ටර් මාපකයේ 5.4ක තවත් භූ කම්පනයක් වාර්තා වී තිබෙනවා. ජපන් මාධ්ය වාර්තා කරන්නේ ටොෂිමා ගම්මානය අවට භූ කම්පන මාලාවක්ම සිදුවෙමින් පවතින බවයි.
පසුගිය මාසයේ සිට ටොකාරා (Tokara) දූපත් අවට භූ කම්පන ක්රියාකාරකම් සැලකිය යුතු ලෙස ඉහළ ගොස් ඇති බවද ජපන් මාධ්ය වැඩිදුරටත් සඳහන් කරයි. මෙම තත්ත්වය පිළිබඳව භූ විද්යාඥයින්ගේ අවධානය යොමු වී ඇති අතර, තත්ත්වය සමීපව නිරීක්ෂණය කරමින් සිටින බව බලධාරීහු පවසති.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
