එළැඹෙන ජනාධිපතිවරණය හේතුවෙන් සැප්තැම්බර් 21 සහ 22 යන දෙදින දිවයිනේ සියලු ම සුරාසැල් වසා තබන බව ශ්‍රී ලංකා සුරාබදු දෙපාර්තමේන්තුව පවසයි.
ශ්‍රී ලංකා සුරාබදු දෙපාර්තමේන්තුව ඊයේ (සැප්. 18) නිවේදනයක් නිකුත් කරමින් මේ බව සඳහන් කළේ ය.
එම නිවේදනයේ සඳහන් කර ඇත්තේ, මෙම දින දෙක තුළ සංචාරක මණ්ඩලයේ අනුමැතිය ලත් තරු පන්ති තුනට (3 stars) ඉහළ සුරාබදු ර.බි. 7 බලපත්‍රය සහිත හෝටල් හා විශේෂ බුටික් විලා බලපත්‍රලත් ස්ථානවල නේවාසිකව රැඳී සිටින සංචාරකයින් සඳහා පමණක් මත්පැන් නිකුත් කිරීමට අවසර ලබා දී ඇති බව ය
