ග්‍රීසියට අයත් සුප්‍රකට ක්‍රීට් දූපතේ නැගෙනහිර ප්‍රදේශයේ විශාල ලැව් ගින්නක් හටගෙන තිබෙනවා. මේ හේතුවෙන් දහස් ගණනක් ජනතාව කඩිනමින් ඉවත් කරමින් සිටින බව විදෙස් වාර්තා සඳහන් කරයි.
අචලියා ප්‍රදේශයෙන් හටගත් මෙම ගින්න වනාන්තර සහ කඳුකර භූමි ප්‍රදේශ හරහා වේගයෙන් පැතිර යමින් පවතී. දැඩි සුළං තත්ත්වය හේතුවෙන් ගිනි නිවීමේ කටයුතුවලට බාධා එල්ල වී ඇති අතර, ඒ හේතුවෙන් නිවාස හා ව්‍යාපාරවලට දැඩි හානි සිදුව තිබෙනවා.
මේ වනවිටත් 5,000කට ආසන්න පිරිසක් ප්‍රදේශයෙන් ඉවත් කර ඇති අතර, ඔවුන්ගෙන් බහුතරය දූපතේ හෝටල්වල නවාතැන් ගෙන සිටි විදේශීය සංචාරකයින් බවට වාර්තා වේ.
